Görünər!

Dağıdan, yandıran, kəsən, öldürən,
Yırtıcı xislətin qəlbi döyünər?
Torpaq həsrətini çəkməyənlərdə,
Həsrət duyğuları necə görünər?

Həsrətlinin uçuq evi-eşiyi,
Gözündə gözəldir, baxıb öyünər.
Torpaqları belə viranə qalsa,
Yadlara bu qədər gözəl görünər?

Doğma torpaq, doğma, əziz yurd-yuva,
Ürək döyündürər, qəlb sevindirər.
Hər xırda xatirə, hər xırda xəyal,
Keçmişə qaytarar, gözəl görünər!

Əlibalayeva Gülnarə

Cəfər Cabbarlı ev muzeyinin böyük elmi işçisi