Kobaxidze: Aİ Gürcüstandakı mitinqləri gizli yollarla maliyyələşdirir-ÖZƏL

Gürcüstanın Baş naziri İrakli Kobaxidze Avropa İttifaqının ölkədəki etiraz aksiyalarını gizli kanallar vasitəsilə maliyyələşdirməyə davam etdiyindən şübhələndiklərini bildirib. O, Avropa Komissarı Marta Kosun 2025-ci ildə Gürcüstan vətəndaş cəmiyyətinə maliyyə dəstəyi göstərmək üçün yollar axtardıqları barədə açıqlamasını xatırladıb.
Olaylar.az xəbər verir ki, Kobaxidze bu cür maliyyələşmənin Gürcüstan qanunlarının pozulması ilə nəticələnə biləcəyini deyərək bunu Avropa bürokratiyasının ölkəyə qarşı hörmətsiz münasibəti kimi qiymətləndirib.