Keçmiş baş katib Ermənistanın KTMT-dən çıxarılmasını təklif edib – ÖZƏL

Olaylar.az xəbər verir ki, Kollektiv Təhlükəsizlik Müqaviləsi Təşkilatının (KTMT) keçmiş baş katibi Nikolay Bordyuja təşkilatın fəaliyyətində iştirak etməyən və üzvlük haqqını ödəməyən Ermənistanın qurumdan xaric edilməli olduğunu bildirib. O qeyd edib ki, İrəvanın fəaliyyətini "dondurmasına" baxmayaraq tamhüquqlu üzv kimi qalması qərarların konsensusla qəbul edilməsi prosesində çətinlik yaradır. Bordyujanın sözlərinə görə, İrəvan ya özü təşkilatdan çıxmalı, ya da KTMT-dən kənarlaşdırılmalıdır. 

Qeyd edək ki, təşkilatın hazırkı baş katibi Taalatbek Masadıkov da Ermənistanın nizamnaməni pozması səbəbindən onun qurumdan çıxarılması məsələsinin noyabrda keçiriləcək sammitdə qaldırıla biləcəyini bəyan edib.