FT: Avropa Komissiyası Frontex-in insan hüquqları pozuntularını araşdırmaq səlahiyyətini məhdudlaşdırmaq istəyir-ÖZƏL

Avropa Komissiyası sərhəd nəzarəti agentliyi Frontex-in milli sərhəd xidmətlərinin insan hüquqları pozuntularını araşdırmaq səlahiyyətlərini məhdudlaşdırmağı planlaşdırır. Olaylar.az xəbər verir ki, Financial Times bu barədə mənbələrə istinadən məlumat yayıb. Nəşrin məlumatına görə, Avropa komissarı Maqnus Brunner Frontex-in qeyri-qanuni miqrantların geri qaytarılması və Avropa İttifaqından kənarda əməliyyatlar aparılması üzrə səlahiyyətlərini genişləndirmək istəyir.
Yeni qaydalara əsasən, Frontex əməliyyatlarında iştirak edən milli hüquq-mühafizə orqanlarının mümkün insan hüquqları pozuntuları ilə bağlı məlumatlar müvafiq ölkələrin hakimiyyət orqanlarına ötürüləcək. Mənbələr bildiriblər ki, islahat agentliyin üzv dövlətlərin fəaliyyətinə müdaxiləsini azaltmağı hədəfləyir.