BƏƏ və Bəhreyn Fransaya hər ay 200.000 ton dizel yanacağı tədarük edəcək-ÖZƏL

Fransa Prezidenti Emmanuel Makron Yaxın Şərqə səfəri zamanı Birləşmiş Ərəb Əmirlikləri (BƏƏ) və Bəhreyndən ayda 200 min ton dizel yanacağının tədarükü barədə danışıqlar aparmaq niyyətindədir. Olaylar.az xəbər verir ki, bu barədə AFP xəbər agentliyi Yelisey Sarayına istinadən məlumat yayıb.

Məlumata görə, Makron BƏƏ-dən ayda 100.000 ton bu yanacağın tədarükü ilə bağlı "öhdəlik" alıb. O, bu günortadan sonra Bəhreynə səfəri zamanı daha 100.000 ton tədarük barədə razılığa gəlməyi gözləyir. Yelisey Sarayının məlumatına görə, Səudiyyə Ərəbistanının oktyabr və noyabr aylarında əlavə 95.000 ton tədarük vəd etdiyini nəzərə alaraq, Fransa ayda 295.000 ton dizel tədarükü üçün öhdəlik götürüb ki, bu da onun ümumi istehlakının təxminən 10%-ni təşkil edəcək və yanacaqdoldurma məntəqələrində qiymətləri aşağı salacaq.