Ermənistanda mitinqdə iştirak üçün pul paylayan şəxsin məhkəməsi başlayır – ÖZƏL

Olaylar.az xəbər verir ki, Ermənistan İstintaq Komitəsinin Armavir vilayət istintaq idarəsində aksiyalarda iştiraka görə maddi həvəsləndirmə faktı üzrə başlanılmış cinayət işinin ibtidai istintaqı yekunlaşıb. Müəyyən edilib ki, G.A. adlı şəxs 2026-cı il aprelin 11-də İrəvanın Azadlıq meydanında "Güclü Ermənistan" partiyasının mitinqində iştirak etmək üçün yaxınlarına hər nəfərə 15 000 dram verəcəyini vəd edib və aksiyadan sonra vəd olunan məbləğləri ödəyib. 

Faktla bağlı həmin şəxsə qarşı Cinayət Məcəlləsinin müvafiq maddəsi ilə cinayət işi qaldırılıb, barəsində ev dustaqlığı, girov və yaşayış yerini tərk etmək qadağası qətimkan tədbirləri seçilərək iş məhkəməyə göndərilib.