Salome Samadaşvili: Partiyaların qadağan edilməsi dövlət çevrilişinə cəhddir – ÖZƏL

Olaylar.az xəbər verir ki, "Lelo - Güclü Gürcüstan" partiyasının liderlərindən biri Salome Samadaşvili "Gürcü arzusu"nun müxalifət partiyalarını qadağan etmək planlarını kəskin tənqid edərək, bunu ölkə Anayasasına və dövlətçiliyinə qarşı ağır cinayət, eləcə də Konstitusiya Məhkəməsi vasitəsilə həyata keçirilən çevriliş cəhdi adlandırıb. O bildirib ki, siyasi partiyaların ləğvi bir milyondan çox vətəndaşı seçki hüququndan məhrum edəcək və Gürcüstanın Avropaya inteqrasiya qapılarını yekun olaraq bağlayacaq. 

Samadaşvilinin sözlərinə görə, hakim komanda gözlənilən hüquqi və siyasi məsuliyyətin ağırlığını anladığı üçün daxili sarsıntılar keçirir; məhz buna görə də Bidzina İvanişvili öz rahatlıq zonasından çıxaraq şəxsən iclas keçirmək və komandasını bu addımdan çəkinməməyə ruhlandırmaq məcburiyyətində qalıb.