Kuba rəqəmsal suverenliyə nail olduğunu elan etdi-ÖZƏL

İqtisadi blokada Kubanın rəqəmsal inkişafına əsas maneəyə çevrilib, eyni zamanda Havananı öz texnologiyalarını və platformalarını yaratmağa sövq edib. Olaylar.az xəbər verir ki, bu barədə Kuba rabitə nazirinin müavini Pablo Xulio Pla Feria ikinci Qlobal Rəqəmsal Forumda bildirib.
O, "Rəqəmsal suverenlik: Resursdan ixrac aktivinə" adlı plenar iclasda bildirib ki, "Ölkəmizin iqtisadi və maliyyə blokadası 60 ildən çoxdur ki, davam edir. Və bu, texnoloji və rəqəmsal inkişafımızın yavaşlamasının əsas səbəbidir. Bu, iqtisadi müharibədir, kənardan bizə tətbiq edilən məcburi siyasətdir - texnologiyaya çıxışı məhdudlaşdırır".