Hər şey çox tezliklə, bu və ya digər şəkildə bitəcək – ABŞ prezidenti Hörmüz və İran barədə

ABŞ-ın Hörmüz boğazına nəzarəti ilə bağlı vəziyyət dəyişə bilər.

Musavat.com xəbər verir ki, bunu ABŞ Prezidenti Donald Tramp Ağ Evdə jurnalistlərə deyib: "Hazırda Hörmüz boğazından çoxlu miqdarda neft keçir. Biz buna nəzarət edirik.

Biz sözün əsl mənasında ona nəzarət edirik. Tam nəzarətimiz var. Amma düşünürəm ki, bu, həmişə dəyişə bilər. Son iki gündə boğazdan tarixdə indiyə qədər olduğundan daha çox neft keçib".

Tramp həmçinin qeyd edib ki, ABŞ tezliklə İrana qarşı zərbələri bərpa etmək və ya onunla razılığa gəlmək barədə qərar verəcək: "Bəlkə də onları partladacağıq. Bu qərarı verməliyik. Onları partladacağıq və ya razılığa gələcəyik. Amma vaxt azalır. Hər şey çox tezliklə, bu və ya digər şəkildə bitəcək".