Zaxarova Kallasın fəaliyyətini Avropa siyasəti üçün rüsvayçılıq adlandırıb ÖZƏL

Olaylar.az xəbər verir ki, Rusiya Xarici İşlər Nazirliyinin sözçüsü Mariya Zaxarova Sputnik Radiosunda Kallasın Rusiya Prezidenti Vladimir Putin və ya Xarici İşlər Naziri Sergey Lavrovun potensial zəngini qəbul etməyə hazır olması ilə bağlı açıqlamalarını şərh edərkən bildirib ki, Aİ-nin Ali Nümayəndəsi Kaja Kallasın fəaliyyəti " Avropa siyasəti üçün rüsvayçılığa" çevrilib. O qeyd edib ki, "Şəxsi mühakimələrə girmək istəmirəm, amma həqiqət budur ki,  vicdanlarını itirmiş tamamilə qeyri-peşəkar insanlar qrupudur. Avropa Komissiyası və Brüsselin bütün bu komissarlar və yüksək vəzifəli nümayəndələr şəklində etdikləri artıq Avropa siyasəti üçün tamamilə rüsvayçılığa çevrilib."
Zaxarova vurğulayıb ki, Kallasın sıfır peşəkarlıq səviyyəsi Avropanın özündə də müzakirə olunur.