Polşa Ukraynaya bir neçə Patriot raketi bağışlayacaq- ÖZƏL

Varşava hərbi yardımın yeni bir hissəsi olaraq Kiyevə Patriot raketlərini təhvil verəcək. Olaylar.az xəbər verir ki, bu barədə "Rzeczpospolita" qəzeti hökumət və hərbi mənbələrə istinadən məlumat yayıb. Onların məlumatına görə, Polşa Ukrayna Silahlı Qüvvələrinə bir neçə belə raket göndərəcək. Polşa Silahlı Qüvvələrinin Əməliyyat Komandanlığının rəisi general İreneuş Novak nəşrə bildirib ki, bu, kütləvi çatdırılma deyil. Polşa Müdafiə Nazirliyi də öz növbəsində qəzetin dərcini nə təkzib, nə də təsdiq edib. Nazirlik yardım paketi haqqında ətraflı məlumat yaymağı planlaşdırmadığını aydınlaşdırıb.
Polşa hakimiyyəti hazırda Ukraynaya hərbi yardımın 50-ci tranşını təşkil edir. Varşavanın 2022-ci ildən bəri Kiyevə ötürdüyü bütün silah paketlərinin ümumi dəyəri təxminən 5 milyard dollardır. 2026-cı ilin yayında Polşada daha geniş NATO yardım paketinin bir hissəsi olaraq Ukrayna Silahlı Qüvvələrinə bir neçə Patriot raketinin çatdırılması ilə bağlı qalmaqal yarandı. Daha sonra müxalifət hakimiyyəti ölkənin təhlükəsizliyini pozmaqda günahlandırdı.