Vyetnam: BRICS çərçivəsində əməkdaşlıq daha praktik və əsaslı xarakter alır- ÖZƏL

Olaylar.az xəbər verir ki, Vyetnam Xəbər Agentliyi (VNA) BRICS çərçivəsində əməkdaşlığın getdikcə daha praktik və əsaslı xarakter aldığını, yeni sahələri əhatə etdiyini bildirib.
Agentlik bu barədə Vyetnamın Baş naziri Le Min Hunqun sentyabrın 12-13-də Yeni Dehlidə keçiriləcək 18-ci BRICS sammitində iştirakı ilə bağlı şərhində məlumat verib.
VNA qeyd edib ki, sammit 2026-cı ildə BRICS çərçivəsində keçirilən əsas çoxtərəfli tədbirlərdən biridir. Tədbir sürətlə dəyişən və mürəkkəb beynəlxalq şərait fonunda baş tutacaq.
Agentliyin məlumatına görə, Vyetnamın sammitdə iştirakı ölkənin müstəqillik, özünütəminetmə, özünəinam, sülh, dostluq, əməkdaşlıq və inkişaf prinsiplərinə əsaslanan xarici siyasətini bir daha nümayiş etdirir.
VNA həmçinin vurğulayıb ki, Vyetnam çoxtərəfliliyə, xarici əlaqələrin şaxələndirilməsinə, beynəlxalq inteqrasiyanın fəal, hərtərəfli, dərin və effektiv şəkildə inkişaf etdirilməsinə xüsusi önəm verir.