Macarıstan Rusiyadan neft və qaz almaqdan imtina etdiyi üçün Aİ-dən təzminat tələb edib

Macarıstan hökuməti yeni yeddi illik büdcədə Rusiyadan enerji təchizatından imtina etdikləri üçün Aİ ölkələrinə kompensasiya ödənişləri tələb etmək niyyətindədir.

Olaylar.az xəbər verir ki, bunu Baş nazir Peter Magyar Bratislavada keçirilən Vışeqrad Qrupu (Macarıstan, Polşa, Slovakiya və Çexiya) sammitindən sonra keçirilən mətbuat konfransında bildirib.

"Mən Aİ-nin yeddi illik büdcəsində Mərkəzi Avropadakı şirkətləri dəstəkləmək, Rusiya qazı və neftindən imtina etmək, qazıntı yanacaqlarından digər enerji mənbələrinə tamamilə keçidi asanlaşdırmaq və enerji saxlama potensialını inkişaf etdirmək üçün konkret kəmiyyətləşdirilmiş təkliflər görmək istəyirəm. Hesab edirəm ki, bu, tamamilə ağlabatan bir yanaşmadır", - deyə Magyar bildirib.

O qeyd edib ki, qlobal enerji vəziyyətinin, o cümlədən benzin və dizel yanacağı çatışmazlığının son dərəcə ağır olaraq qaldığını qeyd edib. "Aİ üzv dövlətlərinin büdcələri belə bir maliyyə yükünə tab gətirə bilmir və yanacaq qiymətlərinin məhdudlaşdırılması qaçılmaz olaraq çatışmazlığa gətirib çıxarır. Biz razıyıq ki, bu vəziyyət qəbuledilməzdir", - Baş nazir deyib.

Magyar əlavə edib ki, Aİ hələ də rəqabətin qorunması ilə bağlı yalnız yüksək şüarlar səsləndirir: "Mərkəzi Avropa şirkətləri elektrik enerjisi və qaz xərclərini ödəyə bilmədikləri üçün müflisləşirlər. Biznesimizə necə kömək edə biləcəyimizi anlamalıyıq".