Aqnessa Xamoyan Paşinyanı viza rejiminin ləğvi müddəti ilə bağlı yalan danışmaqda ittiham edib – ÖZƏL
Olaylar.az xəbər verir ki, Ermənistanın "Ermənistan" blokundan olan deputat Aqnessa Xamoyan Avropa Komissiyasının nümayəndəsi Paula Pinyonun İrəvanla vizasız rejimə keçid üçün dəqiq müddət göstərməyə hazır olmadıqları barədə bəyanatını şərh edib. Deputat bildirib ki, avropalı rəsmilər Baş nazir Nikol Paşinyanın 2029-cu ildə viza rejiminin tam ləğv ediləcəyi və ölkənin yaxın 10-20 ildə Aİ-yə üzv olacağı ilə bağlı iddialarının yalan olduğunu özləri ifşa edirlər. Xamoyan, həmçinin Paşinyanın Aİ-yə inteqrasiya haqqında qanunun qəbulunu Rusiya Prezidenti Vladimir Putinlə görüşdə manevr edərək təqdim etməyə çalışdığını vurğulayıb.
Qeyd edək ki, Aİ və Ermənistan arasında viza rejiminin liberallaşdırılması üzrə dialoq 2024-cü ildə başlayıb, 2026-cı ildə isə Avropa Komissiyası İrəvana 74 bənddən ibarət Fəaliyyət Planını təqdim edib.