Ekspert: İran ABŞ-ın aviadaşıyıcı qruplarının effektivliyini şübhə altına alıb- ÖZƏL

Rusiya Prezidenti yanında Xalq Təsərrüfatı və Dövlət İdarəçiliyi Akademiyasının hərbi eksperti Aleksandr Stepanov bildirib ki, İranın ABŞ-ın regiondakı hərbi mövcudluğuna müqaviməti aviadaşıyıcı zərbə qruplarının effektivliyini ciddi şəkildə şübhə altına alıb. Olaylar.az xəbər verir ki, onun sözlərinə görə, bu gəmilər ABŞ-ın hərbi gücünü uzaq məsafələrdə nümayiş etdirməyin ən bahalı vasitələrindən biridir və onların zəiflikləri üzə çıxıb.
Stepanov qeyd edib ki, 260 gündən çox dənizdə qalmaq və gəminin həssaslığı heyətə mənfi təsir göstərib. Ekspertə görə, hərbçilər uzunmüddətli missiyadan və praktik hərbi nəticənin olmamasından məyus olublar.