Kralın ölüm xəbərini səhvən efirə verdi - CƏZALANDIRILDI

Britaniyanın "Radio Caroline" radiostansiyasının əməkdaşı təsadüfən Kral III Çarlzın ölümü ilə bağlı ehtiyat xəbəri canlı efirə verib, bundan sonra isə panikaya düşərək iş yerini tərk edib.

Musavat.com xəbər verir ki, bu barədə "The Independent" məlumat yayıb.

Nəşr yazır ki, hadisə may ayında baş verib. Texniki işlər zamanı əməkdaş monarxın ölümü halı üçün əvvəlcədən hazırlanmış səs yazılarını tapıb. Maraqdan həmin faylı açıb, amma efirin canlı getdiyini bilməyib.

Baş verənləri anlayanda kişi panikaya düşərək radiostansiyanın binasını tərk edib. Sonradan ona rəsmi xəbərdarlıq verilib.

Qeyd edək ki, Britaniya mediasında Kral ailəsi ilə bağlı ehtiyat protokollar və ölüm anonsları ciddi məxfi saxlanılır.