NATO mütəxəssisləri Almaniya hava limanında baş verən hadisənin araşdırılmasında iştirak etmək istəyirlər- ÖZƏL

NATO ekspertləri Almaniyanın Leypsiq/Halle hava limanında baş verən dron hadisəsinin araşdırılmasında iştirak etmək niyyətindədirlər. Olaylar.az xəbər verir ki, bu barədə Bild qəzeti Saksoniya federal əyalətinin təhlükəsizlik orqanlarındakı mənbələrə istinadən məlumat yayıb.
Dünən gecə Leypsiq/Halle hava limanının asfalt yolunda, Ukraynaya məxsus Antonov yük təyyarəsinin yanında kiçik bir bağlama və detonator daşıyan dron aşkar edilib. Dronu idarə edən şəxsin axtarışı hələlik uğursuz olub.
Bild-in məlumatına görə, hakimiyyət orqanları hadisəni "çox ciddiyə alır". Onlar qeyd ediblər ki, bağlamanın içindəkilər evdə hazırlanmış partlayıcı maddələr ola bilər. Mütəxəssislər artıq detonatoru çıxara biliblər.