Sülh Şurası Qəzzada gərginliyin azaldılmasını tələb edir- ÖZƏL

Qəzza zolağındakı vəziyyəti həll etmək üçün yaradılan Sülh Şurası və vasitəçi dövlətlər İsrailin son hücumlarından sonra anklavda gərginliyin azaldılmasına nail olmaq niyyətindədirlər. Olaylar.az xəbər verir ki, bu barədə Sülh Şurasının Qəzza üzrə ali nümayəndəsi Nikolay Mladenov bildirib.
Mladenov X-də yazıb: "Qəzza zolağında iki gündür davam edən hücumlar mülki şəxslərin ölümünə və həyati əhəmiyyətli tibbi ləvazimatların məhv olmasına səbəb olub.  Komandam və mən vəziyyəti gərginləşdirməmək və ABŞ Prezidenti Donald Trampın sülh planının tam şəkildə həyata keçirilməsi üçün şərait yaratmaq məqsədilə hər iki tərəflə, vasitəçilərlə və regional tərəfdaşlarla gecə-gündüz çalışırıq".
O, sülh müqaviləsinin şərtlərinə əməl etmək üçün hər iki tərəfin, İsrailin və radikal Fələstin HƏMAS hərəkatının məsuliyyət daşıdığını vurğulayıb.