Tramp: Netanyahunun ABŞ-da həbs olunma təhlükəsi yoxdur

ABŞ Prezidenti Donald Tramp bildirib ki, İsrailin Baş naziri Benyamin Netanyahu üçün Beynəlxalq Cinayət Məhkəməsinin (BCM) orderi ilə Amerikada həbs təhlükəsi yoxdur.

Olaylar xəbər verir ki, ABŞ Prezidenti "Truth Social"da Nyu-York meri Zöhran Mamdaninin açıqlamalarını şərh edərkən yazıb: "Benjamin Netanyahu Amerika Birləşmiş Ştatlarında olduğu müddətdə heç bir şəkildə həbs olunmayacaq".

Mamdani daha öncə Netanyahunun Nyu-Yorka gələcəyi təqdirdə Beynəlxalq Cinayət Məhkəməsinin orderi əsasında saxlanılmasının qanuniliyi ilə bağlı vəkillərlə məsləhətləşəcəyini bildirmişdi.