Kreml: Fars körfəzindəki gərginliyə görə ABŞ-nin diqqəti Ukraynadan yayınıb – ÖZƏL

Olaylar.az xəbər verir ki, Rusiya Prezidentinin mətbuat katibi Dmitri Peskov bəyan edib ki, Fars körfəzi zonasında vəziyyətin pisləşməsi səbəbindən hazırda ABŞ-nin diqqəti Ukrayna böhranının nizamlanmasından yayınıb. Peskov regiondakı qeyri-sabitliyin qlobal narahatlıq doğurduğunu qeyd edərək, eyni zamanda Vaşinqtonun Rusiyaya qarşı yeni sanksiya hədələrini də diqqətlə izlədiklərini və təhlil etdiklərini bildirib.

Qeyd edək ki, ABŞ və İran arasında gərginlik iyulun 7-dən etibarən hərbi toqquşmalarla yeni mərhələyə keçib. ABŞ ordusu İranın cənubundakı Buşəhr, Gənqan və Dire şəhərlərində yerləşən raket və pilotsuz uçuş aparatları bazalarına, hərbi-dəniz obyektlərinə yüzlərlə zərbə endirib. ABŞ Prezidenti Donald Tramp NATO-nun Ankara sammitində İranla atəşkəsin başa çatdığını elan edib. İran parlamenti isə öz növbəsində ABŞ-nin saziş şərtlərini pozmasına görə cavab addımları atılacağı ilə bağlı Vaşinqtona xəbərdarlıq edib.