Qaxariya: "Gürcü arzusu"nun fəaliyyətsizliyi fonunda Gürcüstanın milli maraqlarını qoruyuruq – ÖZƏL

Olaylar.az xəbər verir ki, "Qaxariya - Gürcüstan naminə" partiyasının lideri Qiorqi Qaxariya X sosial şəbəkəsində bəyan edib ki, hakim "Gürcü arzusu" partiyası beynəlxalq tribunadan yalan danışmaq və reallığı gizlətmək üçün istifadə etdiyi bir vaxtda, müxalifət hakimiyyətin imtina etdiyi işi görür - ölkənin milli maraqlarını, ərazi bütövlüyünü və suverenliyini müdafiə edir. 

Haaqada ATƏT Parlament Assambleyasının illik sessiyası çərçivəsində təşkilat rəhbərliyi və beynəlxalq tərəfdaşlarla mühüm görüşlər keçirdiyini bildirən Qaxariya, hakim partiyanı işğalçılardan üzr istəməkdə və cəmiyyəti torpaqların itirilməsi, eləcə də ölkənin Avropa gələcəyinin məhv edilməsi ilə barışdırmağa çalışmaqda ittiham edib. O, hakimiyyətin bu addımlarını kollaborasionizm adlandıraraq qeyd edib ki, hazırda əsas vəzifə xüsusilə Sxinvali regionunda son üç ayda baş verən hadisələrlə bağlı Rusiyanın ilhaq (anneksiya) proseslərinə qarşı tərəfdaşları səfərbər etməkdir. Qaxariya komandası ilə birlikdə Gürcüstanın Avropa gələcəyi və ərazi bütövlüyü uğrunda mübarizəni hər platformada davam etdirəcəyini vurğulayıb.