Çin ABŞ-dan Kubaya qarşı tətbiq edilən blokadanı ləğv etməyi tələb edib- ÖZƏL

Çin Xarici İşlər Nazirliyinin sözçüsü Mao Ninq bildirib ki, Çin ABŞ-ın blokadasının və birtərəfli ABŞ sanksiyalarının qəbuledilməzliyini BMT-də müzakirə etmək niyyətində olan Kuba hakimiyyətinin mövqeyini dəstəkləyir.
"Amerika Birləşmiş Ştatları 60 ildən çoxdur ki, Kubaya qarşı hərtərəfli blokada və qanunsuz sanksiyalar tətbiq edir ki, bu da Kuba xalqı üçün böyük bir fəlakətə çevrilib", - deyə o, brifinqdə hökumətin ABŞ məhdudiyyətlərini BMT Baş Assambleyasında müzakirə etmək istəyini şərh edərkən bildirib.
Olaylar.az xəbər verir ki, Mao Ninqin qeyd etdiyi kimi, Vaşinqton son zamanlar Havanaya qarşı tədbirlərini daha da sərtləşdirərək kubalıların rifahına "ciddi zərbə" vurub. Diplomat vurğulayıb ki, "bu, beynəlxalq ictimaiyyətin diqqətini cəlb edib. Çin beynəlxalq hüquqda heç bir əsası olmayan qanunsuz birtərəfli sanksiyalara qarşı davamlı olaraq çıxış edir. Biz ABŞ-ın Kubaya qarşı embarqonu dərhal ləğv etməsini və ona təzyiqi dayandırmasını tələb edirik".
Mao Ninq Kuba xalqının hüquqlarını pozmağın qəbuledilməz olduğunu qeyd edib.