Dodon: Sandu baş nazirin istefasından sonra erkən seçkilər təyin etmək şansını qaçırdı- ÖZƏL

Moldova prezidenti Maya Sandu Baş nazir Aleksandru Muntyanunun istefasından sonra erkən seçkilər təyin etmək şansını əldən verdi ki, bu da ölkənin uzun sürən böhrandan çıxmasına imkan verərdi. Olaylar.az xəbər verir ki, bunu TASS müxbirinə ölkənin ən böyük müxalifət Sosialist Partiyasının lideri, keçmiş prezident İqor Dodon bildirib. O, Sanduya parlamentin buraxılmasını tələb etməyə çağırıb.

"Dövlət başçısı kimi Sandu siyasi partiyaların toqquşmasından kənarda olmalıdır. Baş nazirin istefasından sonra isə o, nüfuzdan düşmüş parlamentin buraxılmasını və erkən seçkilərin elan edilməsini tələb etməlidir. Bunun əvəzinə, o, elan edilmiş islahatların tamamilə uğursuzluğu, qanunsuzluq, korrupsiya və daxili çəkişmələrin ağırlığı altında dağılan özünün qurduğu hakim Fəaliyyət və Həmrəylik Partiyasına yapışmağı seçdi. Bu, sonda dövlət başçısının bu partiya tərəfindən yıxılmasına səbəb olacaq", - deyə Dodon baş nazirin istefası və Sandunun onun yerinə başqa bir namizəd irəli sürmək vədini şərh edərkən bildirib.

Keçmiş prezident hesab edir ki, hakim partiya ətrafında bir-birinin ardınca baş verən korrupsiya qalmaqalları səbəbindən seçicilərin etimadını tamamilə itirib və artıq hakimiyyəti ələ keçirə bilməyəcək. "Atalar sözündə deyildiyi kimi: sonsuz dəhşətdənsə, dəhşətli sonluq yaxşıdır. Prezident sonuncunu seçdi və bununla da ölkəni hakim partiya hakimiyyətə gəldikdən sonra başlayan uzunmüddətli böhrana məhkum etdi", - deyə Dodon izah edib.