İrandan Ruttenin açıqlamalarına kəskin reaksiya

Tehran NATO-nun baş katibi Mark Ruttenin NATO müttəfiqlərinin İrana qarşı əməliyyatlar zamanı ABŞ-a fəal şəkildə kömək etməsi ilə bağlı açıqlamalarını beynəlxalq hüququn və BMT Nizamnaməsinin pozulmasının etirafı kimi qiymətləndirir.

Musavat.com xəbər verir ki, bunu İran Xarici İşlər Nazirliyinin sözçüsü İsmayıl Bəqayi X-də yazıb:

"NATO-nun baş katibi birbaşa İtaliya və Rumıniyanı İrana qarşı təcavüzün iştirakçıları adlandırıb. Bu, NATO-nun suveren BMT üzv dövlətinə qarşı qanunsuz təcavüz müharibəsində fəal iştirakının açıq və günahlandırıcı etirafı - beynəlxalq hüququn məcburi normalarının və BMT Nizamnaməsinin fundamental prinsiplərinin dəhşətli şəkildə pozulmasıdır" .

Qeyd edək ki, Rutte Ağ Evdə Prezident Donald Trampla görüşündə ABŞ-ın NATO müttəfiqlərinin İranla silahlı münaqişə zamanı Amerika qoşunlarına logistika ilə fəal şəkildə kömək etdiyini bildirib: "Vəziyyətə bütövlükdə baxsanız, müttəfiqlər həqiqətən kömək ediblər".

Eyni zamanda, Rutte bəzi ölkələrin ABŞ-a hərbi aerodromlar verməkdən imtina etdiyi "tək-tək hadisələrin" olduğunu etiraf edib.

Vaşinqtona Avropa yardımını nümunə gətirərək, Rutte bildirib ki, bu ilin əvvəlində Buxarest hava limanı ABŞ hərbi təyyarələrinə xidmət göstərməyə diqqət yetirmək üçün mülki uçuşları müvəqqəti olaraq dayandırıb.