FT: ABŞ və İran arasında imzalanan razılaşma İsrail üçün "strateji fəlakət"ə çevrilib – ÖZƏL

Olaylar.az xəbər verir ki, "Financial Times" qəzetinin məlumatına görə, ABŞ və İran arasında imzalanmış memorandum İsrailin regiondakı qüvvələrlə və ballistik raketlərin azaldılması ilə bağlı tələblərini nəzərə almadığı üçün Təl-Əviv tərəfindən böyük narazılıqla qarşılanıb. ABŞ Prezidenti Donald Trampın Tehranla əldə etdiyi bu müvəqqəti sövdələşməyə cavab olaraq ABŞ vitse-prezidenti Cey Di Vens israilliləri "reallığı qəbul etməyə" çağırıb. 

Ekspertlər Tramp və Baş nazir Benyamin Netanyahunun öz imkanlarını həddindən artıq yüksək qiymətləndirdiklərini və sərfəli strateji mövqeləri itirdiklərini bildirirlər. ABŞ-nin, həmçinin Livanda atəşkəs tətbiq etməyə çalışması İsraildə etirazlara səbəb olub. 

Siyasi texnoloqların fikrincə, İranla əldə olunan bu razılaşma oktyabrda keçiriləcək seçkilər ərəfəsində Netanyahunun reytinqinə ciddi zərbə vurub.