Konstitusiya Məhkəməsi növbədənkənar seçki şikayətlərinə baxır – ÖZƏL

Olaylar.az xəbər verir ki, "FactInfo"nun məlumatına görə, Artak Zeynalyan və Vladimir Vardanyan tərəflərə qarşı qərəzli mövqeləri səbəbindən Konstitusiya Məhkəməsində (KM) seçki nəticələrinin mübahisələndirilməsi işinin baxılmasında iştirak etməyəcəklər. 

Qeyd edək ki, iyunun 19-da KM-ə 7 iyun 2026-cı il parlament seçkilərinin nəticələri ilə bağlı həm parlamenti keçən, həm də baryeri aşa bilməyən qüvvələrdən 7 müraciət daxil olub. Siyasi qüvvələrin əksəriyyəti MSK-nın yekun qərarının ləğvini tələb edir. Məsələn, "Güclü Ermənistan" bloku seçki nəticələrinin ləğvini və ya ikinci turun təyinini, "Ermənistan" bloku birbaşa nəticələrin etibarsız sayılmasını istəyir. Çiçəklənən Ermənistan Partiyası (ÇEP) isə 3 məntəqədə nəticələrin ləğv edilərək mandatdan məhrum olunmasından şikayətçidir. Seçki nəticələrini həmçinin Arman Tatoyanın "Birliyin Qanadları", Hayk Marutyanın "Yeni Yol", DOK və Arman Babacanyanın "Respublika Demokratiyasının Müdafiəçiləri Alyansı" partiyaları da mübahisələndirir. Məhkəmə müraciətləri bir icraatda birləşdirib, məruzəçi hakim Edqar Şatiryandır. "Vətəndaş Müqaviləsi" Partiyası isə işə üçüncü tərəf kimi cəlb olunub.