Çin ətrafındakı dənizlərdə gizli müharibə gedir

Xarici kəşfiyyat orqanları Çinin dəniz sularını izləmək üçün innovativ metodlardan, o cümlədən sensorları olan "casus" heyvanlardan istifadə edirlər.

Xarici media yazır ki, bu barədə Çinin Dövlət Təhlükəsizlik Nazirliyi məlumat yayıb.

Məlumata görə, dəniz heyvanlarına quraşdırılmış xüsusi qurğular suyun temperaturu, duzluluğu haqqında real vaxt rejimində məlumat ötürməyə qadirdir: "Bu cür texnologiyalardan dəniz dibini xəritələşdirmək və sualtı qayıqların fəaliyyətini izləmək üçün istifadə edilir. Çin ətrafındakı dənizlərdə görünməz gizli müharibə gedir".

Kəşfiyyat orqanlarının məlumatına görə, casus avadanlığı tısbağalar və balıqlar tərəfindən daşınır.

Bu, Çin hakimiyyətinin öz ərazi sularında xarici casus cihazlarının aşkarlandığını elan etməsi ilə bağlı ilk fakt deyil. 2024-cü ildə Çinin milli təhlükəsizlik rəsmiləri Çinin dəniz fəaliyyəti haqqında məlumat toplamaq üçün hazırlanmış bir neçə belə cihazı ələ keçiriblər.