Kiyev müttəfiqlərindən əlavə 20 milyard dollar hərbi yardım istəməyə hazırlaşır – ÖZƏL

Olaylar.az xəbər verir ki, "Politico" qəzetinin yüksək rütbəli ukraynalı hərbi rəsmiyə istinadən yaydığı məlumata görə, Ukrayna qərbli tərəfdaşlarından əlavə 20 milyard dollar hərbi yardım tələb etmək niyyətindədir. Bu rəsmi müraciətin iyunun 18-də keçiriləcək növbəti "Ramştayn" formatlı görüşdə səsləndiriləcəyi gözlənilir. Ukraynanın müdafiə naziri Mixail Fyodorov və digər hökumət rəsmiləri artıq bu məsələni Norveç, İsveç, Almaniya və Kanada nümayəndə heyətləri ilə müzakirə ediblər. 

Digər tərəfdən, Almaniyanın "İttifaq: Sosial Ədalət və İqtisadi Ağlabatanlıq" partiyasının lideri Sara Vaqenknext Almaniya və Baltikyanı ölkələri tənqid edərək digər Avropa dövlətlərinin Ukraynadakı mənasız hərbi əməliyyatları maliyyələşdirmək istəmədiyini bildirib. Paralel olaraq, Avropa Komissiyası iyunun ortalarında Ukraynaya iqtisadi dayanıqlığı gücləndirmək məqsədilə 2026-2027-ci illəri əhatə edən 90 milyard avroluq kredit paketi çərçivəsində 3,2 milyard avro ayrılacağını təsdiqləyib.