Hindistan artan xərclərə görə büdcəni ixtisar etməyi planlaşdırır – ÖZƏL

Olaylar.az xəbər verir ki, "The Economic Times" nəşrinin məlumatına görə, Hindistan hökuməti neft və gübrə subsidiyalarının kəskin artması səbəbindən büdcə xərclərini ixtisar etməyi nəzərdən keçirir. Bu qənaət tədbirlərinin müdafiə və kapital xərclərinə təsir göstərməyəcəyi bildirilir. Yaxın Şərqdəki münaqişə fonunda milli valyutanın ucuzlaşması və inflyasiyanın Mərkəzi Bankın 4%-lik hədəfini aşması ölkənin xam neft idxalı xərclərini ciddi şəkildə artırıb. Nəticədə, cari 2026-2027-ci maliyyə ilində büdcə kəsirinin ÜDM-in 4,3%-nə qədər azaldılması hədəfi təhlükə altına düşüb. Aprel ayında Hindistanın büdcə kəsiri ötən ilin eyni dövrü ilə müqayisədə təxminən iki dəfə artaraq 37,8 milyard dollara çatıb. Yaranan borclanma riskini və bazardakı qeyri-sabitliyi azaltmaq üçün hökumət rəsmi rupinin məzənnəsini qorumaq və xarici kapital axınının qarşısını almaq məqsədilə təxirəsalınmaz tədbirlər görməyə başlayıb.