Paşinyan Rusiyanın Ermənistana hərbi müdaxilə ehtimalı ilə bağlı açıqlama verdi

"Rusiyada xaricdə həbs olunmuş rusları qorumaq üçün ölkə silahlı qüvvələrindən istifadəyə icazə verən qanun qəbul edilməsinə baxmayaraq, Ermənistan hakimiyyətinin ölkədə 102-ci Rusiya hərbi bazasının olması ilə bağlı narahatlığına heç bir əsas yoxdur".

Olaylar.az xəbər verir ki, bunu Ermənistan Baş naziri Nikol Paşinyan deyib.

"Mənim heç bir narahatlığım yoxdur, çünki 102-ci hərbi baza Rusiya Federasiyasında qüvvədə olan qanunlardan asılı olmayaraq, Ermənistan qanunvericiliyi və səlahiyyətləri çərçivəsində fəaliyyət göstərməlidir. Heç bir narahatlıq ola bilməz", - Paşinyan jurnalistlərlə söhbətində Rusiyada qəbul edilən yeni qanunu şərh edərkən bildirib.