Saudi Aramco daşınmaz əmlak satışından 10 milyard dollardan çox vəsait toplamağı planlaşdırır – ÖZƏL
Olaylar.az xəbər verir ki, "Bloomberg"in məlumatına görə, Səudiyyə Ərəbistanının neft nəhəngi "Saudi Aramco" kapitalını artırmaq məqsədilə 10 milyard dollar dəyərində daşınmaz əmlak aktivlərini satmağı nəzərdə tutur. Şirkət Dahrandakı baş qərargahı da daxil olmaqla, müxtəlif obyektlərin satışı və onların sonradan geri icarəyə götürülməsi (sale-and-leaseback) modeli üzrə ilkin danışıqlara başlayıb.
Bu addım şirkətə həm iri məbləğdə vəsait cəlb etmək, həm də binalardan istifadəni davam etdirmək imkanı verəcək. Bundan əlavə, neft nəhəngi ixrac terminalları, qaz elektrik stansiyaları və su infrastrukturu bölmələrindəki payların satışı kimi digər iri sövdələşmələr üzərində də işləyir. Hazırda müzakirələr davam edir və yekun qərar hələ verilməyib.