Dodik: “Avropa siyasi rəqibləri aradan qaldırmaq üçün hər vasitədən istifadə edir”- ÖZƏL

Bosniya və Herseqovinanın Serb Respublikası entitetinin Müstəqil Sosial Demokratlar Alyansının sədri Milorad Dodik Avropanı sərt tənqid edib. Olaylar.az xəbər verir ki, TASS-a müsahibəsində o bildirib ki, Avropa "yalanların və siyasi rəqiblərə qarşı dözümsüzlüyün simvoluna çevrilib" və hakim dairələr "siyasi rəqibləri aradan qaldırmaq üçün hər vasitədən istifadə edirlər".
Dodik həmçinin Avropadakı hazırkı siyasi sistemi "müasir müstəmləkəçilik" adlandıraraq, Qərbi insan hüquqları ilə bağlı ikiüzlülükdə ittiham edib. Onun sözlərinə görə, Qərb ölkələri resurs və işçi qüvvəsi üzərində nəzarət yaratmağa çalışır.
Siyasətçi əlavə edib ki, Serb Respublikası və Rusiya ortaq dəyərlərə sahibdir və öz ənənələrini qorumağa üstünlük verir.