Rubio və Papa Vatikanda Yaxın Şərqdəki vəziyyəti müzakirə etdilər

ABŞ dövlət katibi Marko Rubio bu gün Papa Leo XIV ilə Yaxın Şərqdəki vəziyyəti və Qərb yarımkürəsində qarşılıqlı maraq doğuran məsələləri müzakirə edib.

Olaylar.az xəbər verir ki, Rubio həmçinin Vatikanda Müqəddəs Taxt-Tacın dövlət katibi kardinal Pietro Parolin ilə qarşılıqlı əməkdaşlıq və aktual beynəlxalq məsələləri müzakirə edib .

ABŞ Dövlət Departamentinin açıqlamasında deyilir: "Katib Rubio Arxiyepiskop Kaççianın ABŞ-a yeni Apostol Nunsisi kimi gəlişini alqışladı. Onlar Qərb yarımkürəsində davam edən humanitar səyləri və Yaxın Şərqdə davamlı sülhə nail olmaq səylərini müzakirə etdilər. Müzakirə ABŞ ilə Müqəddəs Taxt-tac arasında dini azadlığın təşviqində güclü tərəfdaşlığı əks etdirirdi".