Şalva Papuaşvili Qərbin media azadlığı bəyanatını “timsah göz yaşları” adlandırıb – ÖZƏL

Olaylar.az xəbər verir ki, Gürcüstan parlamentinin sədri Şalva Papuaşvili Böyük Britaniya və Finlandiyanın həmsədrlik etdiyi "Media Azadlığı Koalisiyası"nın Ümumdünya Mətbuat Azadlığı Günü münasibətilə yaydığı birgə bəyanata kəskin reaksiya verib. 

Bəyanatda Gürcüstanda media azadlığı ilə bağlı "həyəcanverici meyllərin" olduğu qeyd edilsə də, Papuaşvili bu sənədi "timsah göz yaşları" və saxta pafos adlandırıb. O, bəyanat müəlliflərini və koalisiyaya dəstək verən Avropa ölkələrini ikili standartlarda ittiham edərək bildirib ki, bəzi səfirliklər bir tərəfdən mediadan dəm vurur, digər tərəfdən isə aylardır Gürcüstanın aparıcı media qurumlarını hədəfə alırlar. 

Qeyd edək ki, sözügedən bəyanat Almaniya, Skandinaviya və Baltikyanı ölkələr daxil olmaqla, koalisiyanın bir çox üzvü tərəfindən dəstəklənmişdi.