Polşa pilotsuz uçuş aparatlarını məhv edən dronu hazırlamağa başlayıb- ÖZƏL

Olaylar.az xəbər verir ki, Interia.pl internet portalının verdiyi məlumata görə, Polşada potensial düşmən PUA-larını havada məhv edə bilən tutucu dronun üzərində işlərə başlanılıb . Bu məlumatlara görə, layihə üzərində işləmək üçün üç şirkətdən ibarət konsorsium işə götürülüb: MBF Group, Squadron Sp. və Polskie Lobby Przemys Owe. Artıq IRYDA+ adlandırılan yeni dronun 45 dəqiqə havada qala biləcəyi və düşmən PUA-larını 30 km-ə qədər məsafədə ələ keçirə biləcəyi gözlənilir. IRYDA+ saatda 180-200 km kreyser sürətinə malik olacaq. Düşmən PUA-larını məhv etmək üçün dronun 7.62 mm-lik pulemyotdan istifadə edəcəyi bildirilir.
Layihə uğurlu olarsa, IRYDA+ Polşanın şərq sərhədində yerləşdirmək niyyətində olduğu SAN-ın hərtərəfli PUA-lara qarşı müdafiə sisteminin bir hissəsinə çevrilə bilər.