İrakli Kupradze: "Gürcü siyasətçilərinin sağlam düşüncəyə qayıtması qələbə üçün mühümdür" – ÖZƏL

Olaylar.az xəbər verir ki, "Lelo - Güclü Gürcüstan" partiyasının baş katibi İrakli Kupradze, müxalifətin və prezidentin ötən il ərzində ciddi strateji səhvlər etməsinə baxmayaraq, gürcü siyasətinin yenidən sağlam düşüncəyə qayıtmasını müsbət addım kimi qiymətləndirib. 

Keçmiş prezident Salome Zurabişvilinin müxalifətin öz şəxsiyyətini qorumalı olduğu barədə fikirlərini şərh edən Kupradze bildirib ki, Bidzina İvanişvilini hakimiyyətdən uzaqlaşdırmaq üçün süni və ya mexaniki birlik deyil, cəmiyyətin real konsolidasiyası və vahid siyasi strategiya lazımdır. Onun sözlərinə görə, siyasi aktorların bu yanaşmaya qayıtması gürcü siyasətinin özünə zərər vermə rejimindən çıxmasına və seçkilər yolu ilə real nəticə əldə edilməsinə xidmət edəcək.