“Güclü Ermənistan” bloku Respublika meydanında izdihamlı mitinqə hazırlaşır – ÖZƏL

Olaylar.az xəbər verir ki, "Hraparak" qəzetinin yaydığı məlumata görə, Samvel Karapetyanın rəhbərlik etdiyi "Güclü Ermənistan" bloku 7 iyun ümummilli seçkilərinin rəsmi təşviqat kampaniyasının başladığı gün - mayın 8-də böyük etiraz aksiyası keçirməyi planlaşdırır. 

Blok rəsmiləri bu xəbəri hələlik şərh etməsələr də, aksiyanın əvvəlki mitinqdən fərqli olaraq daha geniş sahəni əhatə edən Respublika meydanında keçiriləcəyi bildirilir. Bu addımın seçki marafonunun ilk günündə hakim "Mülki Müqavilə" partiyası üzvlərinə psixoloji təzyiq göstərmək və müxalifətin gücünü nümayiş etdirmək məqsədi daşıdığı qeyd olunur. Müxalif blokun bu "sürpriz" gedişi ilə seçkiöncesi gərginliyi artıracağı gözlənilir.