Taron Çaxoyan: “Arsaxlılardan siyasi məqsədlər üçün istifadə olunur” – ÖZƏL

Olaylar.az xəbər verir ki, 14 iyulda Ermənistan hökumət binası qarşısında keçirilən etiraz aksiyası zamanı jurnalistlərə açıqlama verən baş nazir aparatının rəhbər müavini Taron Çaxoyan bildirib ki, müxalifət arsaxlıları hakimiyyət əleyhinə mitinqlərdə siyasi alət kimi istifadə etməyə çalışır.

"Arsaxlıların emosional hisslərindən istifadə olunaraq onları küçələrə çıxarmaq cəhdləri edilir", - deyə o vurğulayıb.

Jurnalistin "İnsanların müxalifəti dəstəkləmək hüququ var" fikrinə cavab olaraq Çaxoyan qeyd edib ki, bir neçə gün əvvəl keçirilən yürüşdə iştirak edən arsaxlılardan heç biri kimə dəstək verdiklərini bilmirdilər. "Jurnalistlərdən biri soruşdu: Kimin üçün gəlmisiniz? Onlar həmin şəxsin adını belə bilmirdilər", - deyə o bildirib.