Yaponiya və ABŞ arasında tarif danışıqları davam edir – ÖZƏL

Yaponiya Baş naziri Şigeru İsiba ABŞ ilə qarşılıqlı faydalı ticarət sazişi imzalamaq məqsədilə danışıqları davam etdirəcək. 

Olaylar.az xəbər verir ki, bu qərar ABŞ Prezidenti Donald Trampın 1 avqustdan etibarən Yaponiya məhsullarına 25% rüsum tətbiq ediləcəyini açıqlamasından sonra verilib.

Tramp bəyan edib ki, əgər tərəfdaş ölkələr qəbulolunan təkliflər versə, tariflərin tətbiqi təxirə salına bilər. Bu açıqlama yapon yeninin dəyərinin düşməsinə səbəb olub. İsiba bildirib ki, son danışıqlar nəticəsində Yaponiya daha yüksək - 30-35% tariflərdən yayına bilib.

Tokio ABŞ-dən danışıqları 1 avqusta qədər intensiv davam etdirmək təklifi aldığını təsdiqləyib. İsiba qeyd edib ki, Yaponiya milli maraqlarını qoruyaraq qarşılıqlı faydalı razılaşma əldə etməyə çalışacaq. ABŞ ilə valyuta kursu ilə bağlı hələlik ayrıca danışıqlar planlaşdırılmır.