İran və Norveç XİN rəhbərləri Qərbi Asiyadakı gərginliyi müzakirə ediblər – ÖZƏL

Olaylar.az xəbər verir ki, İranın xarici işlər naziri Seyyid Abbas Əraqçi və Norveçin xarici işlər naziri Espen Bart Eide Qərbi Asiya regionunda son hadisələri, xüsusilə ABŞ və İsrailin İrana qarşı hərbi hücumlarını və gərginliyin dayandırılması cəhdlərini müzakirə ediblər.

Əraqçi bildirib ki, ABŞ və sionist rejimin hücumları İranın suverenliyi və ərazi bütövlüyünə qarşı yönəlib və bu, BMT Nizamnaməsi və beynəlxalq hüququn prinsiplərinin kobud şəkildə pozulmasıdır. Onun sözlərinə görə, bu hücumlar diplomatik səylərə ciddi zərbə vurur.

İranın müdafiəyə hazır olduğunu vurğulayan nazir, Avropa ölkələrinin və BMT-nin Atom Enerjisi üzrə Beynəlxalq Agentliyinin bəzi mövqelərini tənqid edib. O, bildirib ki, bəzi Avropa ölkələrinin bu məsələyə münasibəti və hücumları qınamaması vəziyyəti daha da gərginləşdirir.

Əraqçi əlavə edib ki, İran Parlamentinin yeni qanununa əsasən, sionist rejim və ABŞ-nin İranın nüvə obyektlərinə hücumlarına cavab olaraq Atom Enerjisi Agentliyi ilə əməkdaşlıq yalnız İranın Ali Milli Təhlükəsizlik Şurası vasitəsilə davam etdiriləcək.

Nazir, eyni zamanda, regionda sabitliyin bərpası və gərginliyin azaldılması istiqamətində diplomatik səylərin dəstəklənməsinin vacibliyini qeyd edib.