İran: Bəzi ölkələrin ərazilərindən İsrailin sui-istifadəsinə dair məlumatlarımız var – ÖZƏL

İran Xarici İşlər Nazirliyinin rəsmi nümayəndəsi İsmail Bəqai bəyan edib ki, siyonist rejimin digər ölkələrin ərazilərindən sui-istifadə etməsi ilə bağlı çoxlu sayda məlumat mövcuddur. 

Olaylar.az xəbər verir ki, bu barədə "Tasnim" agentliyi məlumat yayıb.

"Bu məlumatları aidiyyəti ölkələrlə bölüşmüşük. Qonşu ölkələr öz öhdəliklərini yaxşı bilirlər və ərazilərindən İrana qarşı təcavüz məqsədilə istifadə olunmasına icazə verməməlidirlər", - deyə Bəqai vurğulayıb.

Onun sözlərinə görə, həmin ölkələr İrana bildiriblər ki, ərazilərindən İrana qarşı hərbi məqsədlərlə istifadə olunmasına imkan verməyəcəklər. "Qaldırdığımız bütün halları həmin ölkələr qəti şəkildə inkar ediblər. Məsələ diqqətlə izlənilir," - deyə İran rəsmisi əlavə edib.