Almaniya müdafiə naziri: “Putin sülh istəmir, Rusiya ordusu ikiqat güclənəcək”

Olaylar.az xəbər verir ki, Almaniyanın müdafiə naziri Boris Pistorius Almaniyanın müdafiə qabiliyyətinin gücləndirilməsi və Ukraynaya dəstək kursunu bir daha müdafiə edib. O, Rusiyanın Ukraynaya qarşı hərbi təcavüzünü pisləyərək bildirib ki, bu mübarizədə Ukraynaya yardım etmək vacibdir.

"Bu Kreml imperialisti danışıqlar istəmir, o, sülh istəmir", - deyə Pistorius Rusiya Prezidenti Vladimir Putini nəzərdə tutaraq bildirib. Onun sözlərinə görə, sülhə yalnız hər iki tərəfin razılığı ilə nail olmaq mümkündür.

Pistorius həmçinin Putinin Gürcüstana qarşı aqressiv siyasətini, Krımın anneksiyasını və Ukraynaya qarşı genişmiqyaslı müharibəni xatırladıb.

Nazir əlavə edib ki, Rusiya iqtisadiyyatı artıq tamamilə hərbi rejimə keçib və 2026-cı ilə qədər Rusiya ordusunun gücü müharibədən əvvəlki dövrlə müqayisədə iki dəfə artacaq. Bu səbəbdən Almaniya və NATO "itirilmiş vaxtı kompensasiya etməli və hazırlıqlarını sürətləndirməlidir".