Tramp: “ABŞ NATO-nun kollektiv təhlükəsizliyinə sadiqdir”- ÖZƏL

Olaylar.az xəbər verir ki,  ABŞ Prezidenti Donald Tramp NATO sammiti çərçivəsində təşkilatın baş katibi Mark Rutte ilə görüş zamanı ABŞ-nin NATO-nun kollektiv müdafiə prinsipinə - qurumun 5-ci maddəsinə - tam sadiq qaldığını bəyan edib.
"Biz onlarla sonadək bir yerdəyik", - deyə Tramp bildirib. Onun bu sözləri ABŞ-nin NATO üzv dövlətlərindən birinə hücumun bütün alyansa edilmiş hücum kimi qiymətləndirilməsini nəzərdə tutan 5-ci maddəyə münasibəti kontekstində səsləndirilib.
Qeyd edək ki, 5-ci maddəyə əsasən, NATO-nun bir və ya bir neçə üzvünə qarşı silahlı hücum alyansa qarşı hücum sayılır və bu halda bütün üzvlər birgə müdafiə tədbirləri görməyə borcludur.