Macarıstan və Slovakiya Rusiyaya qarşı yeni sanksiyaları əngəlləyib – ÖZƏL

Macarıstan və Slovakiya Avropa İttifaqının Rusiyaya qarşı 18-ci sanksiyalar paketini qəbul etməsinə mane olub. 

Olaylar.az xəbər verir ki, bu barədə Brüsseldə keçirilən Aİ xarici işlər nazirlərinin toplantısında çıxış edən Macarıstanın xarici işlər naziri Peter Siyarto məlumat verib.

Nazir bildirib ki, yeni sanksiyalar paketi qəbul olunsaydı, o zaman Aİ ölkələrinə, o cümlədən Macarıstan və Slovakiyaya, Rusiya təbii qazı və ucuz xam nefti almaq qadağan ediləcəkdi. Siyarto bu səbəbdən sanksiyalara qarşı çıxdıqlarını qeyd edib. Onun sözləri ilə çıxışı M1 telekanalı vasitəsilə yayımlanıb.