Paşinyan: Ermənistan-Türkiyə münasibətlərinin normallaşması zaman məsələsidir – ÖZƏL
Olaylar.az xəbər verir ki, Ermənistanın Baş naziri Nikol Paşinyan Türkiyə Prezidenti Rəcəb Tayyib Ərdoğanla görüşündən öncə Türkiyədəki erməni icması ilə görüşündə bildirib ki, Ermənistan-Türkiyə münasibətlərinin normallaşması zaman tələb edir və bu proses ardıcıl və fəal əməkdaşlıqla davam etdirilməlidir.
"Biz qarşılıqlı dinləməyi, açıq dialoq aparmağı və mövqelərimizi aydın şəkildə ifadə etməyi bacarmalıyıq. Əminəm ki, əməkdaşlığın nəticəsi olacaq," - deyə Paşinyan qeyd edib.
O əlavə edib ki, əvvəlki təcrübədən dərs çıxarılmalı və bu dəfə prosesə həddindən artıq gözlənti ilə yanaşılmamalıdır.
Paşinyan Türkiyə Prezidentinə dəvətə görə təşəkkür edib və onu gələn ilin yazında Yerevanda keçiriləcək Avropa Siyasi Birliyi sammitinə dəvət etdiyini bildirib.
Baş nazir xatırladıb ki, hazırda İstanbul-Yerevan birbaşa aviareysi fəaliyyət göstərir və gələcəkdə quru sərhədlərin də açılacağına ümid etdiyini ifadə edib.