Ərdoğan: İranın nüvə proqramı ilə bağlı dialoq vacibdir – ÖZƏL

Olaylar.az xəbər verir ki, Türkiyə Prezidenti Rəcəb Tayyib Ərdoğan Almaniya Kansleri Fridrix Merslə telefon danışığında İranın nüvə proqramı ətrafında yaranmış vəziyyətin həlli üçün danışıqların vacibliyini vurğulayıb.

Türkiyə Prezident Administrasiyasının verdiyi məlumata görə, Ərdoğan bildirib ki, İranla bağlı nüvə mübahisəsinin həlli danışıqlardan keçir və İsrailin İrana hücumu ilə başlayan gərginlik regional təhlükəsizlik üçün ciddi təhdidlər yaradıb.

O, həmçinin qeyd edib ki, İsrailin hücumlarının yaratdığı zorakılıq spiralı regionda və Avropada miqrasiya böhranı və mümkün nüvə sızması kimi ağır nəticələrə səbəb ola bilər.

Ərdoğan əlavə edib ki, Türkiyə İran-İsrail münaqişəsinin dayandırılması üçün səylərini davam etdirəcək.