İran BMT-ni İsrailin hərbi hücumlarını qınamağa çağırıb – ÖZƏL

Olaylar.az xəbər verir ki, İranın Cenevrədə BMT və digər beynəlxalq təşkilatlar yanında daimi nümayəndəsi Əli Bəhreyni BMT-nin İnsan Hüquqları üzrə Ali Komissarı Folker Türkə müraciət edərək, İsrailin İrana qarşı hərbi təcavüzünə dərhal və aydın şəkildə reaksiya verməyə çağırıb.

İRNA agentliyinin məlumatına görə, diplomat İsrailin hərbi əməliyyatlarının BMT Baş Assambleyasının 3314 saylı qətnaməsinə əsasən təcavüz aktı kimi qiymətləndirilməsini və bu hücumların BMT Nizamnaməsinin kobud şəkildə pozulması olduğunu bildirib.

İran Ali Komissardan İsrailin hərəkətlərini rəsmi şəkildə təcavüz aktı kimi tanımağı və İranın özünü müdafiə hüququna dəstək verməyi tələb edib.