"Rey yaxınlığında Mossad-a aid pilotsuz hava və partlayıcı laboratoriyası aşkarlandı" - ŞOK GƏLİŞMƏ

Tehranın bağrında Mossad laboratoriyası: İran İsrailin dərin sızmasını ifşa etdiyini iddia edir

Musavat.com xəbər verir ki, İranın təhlükəsizlik qurumları paytaxt Tehran yaxınlığında - Rey şəhərində Mossad-a bağlı olduğu iddia edilən gizli obyektin aşkarlandığını elan ediblər. Rəsmi məlumatlara görə, həmin evdə pilotsuz uçuş aparatlarının (PUA) yığılması və partlayıcı maddələrin hazırlanması üçün nəzərdə tutulmuş texniki avadanlıqlar və maddələr aşkarlanıb. İran rəsmiləri bu laboratoriyanı İsrailin dərin casusluq şəbəkəsinin bir hissəsi kimi təqdim edirlər.

Məlumata əsasən, aşkar edilən məkan tam şəkildə PUA-ların montajı, idarəetmə sistemlərinin sınaqdan keçirilməsi və əməliyyatların hazırlığı məqsədilə istifadə olunub. İranın yaydığı görüntülərdə xüsusi hazırlanmış metal çərçivələr, dron piltələri, elektron komponentlər və uzaqdan idarə olunan cihazların hissələri müşahidə olunub.

Rəsmilər bildirirlər ki, bu fakt İsrailin yalnız İranın hava məkanına müdaxiləsi ilə kifayətlənmədiyini, eyni zamanda ölkənin daxilində - strateji dərinliklərdə də öz əməliyyat resurslarını yerləşdirdiyini sübut edir. Tehran bu sızmanı milli təhlükəsizlik üçün ciddi təhdid kimi qiymətləndirib və əhalinin ayıq olmasına çağırış edib.

Məsələnin çox maraqlı tərəfi isə İranın hərbi elitasının - o cümlədən nüvə alimlərinin, yüksək rütbəli zabit və generallarının son 3 gündə İsrail kəşfiyyatı tərəfindən evlərində, avtomobillərində və hərbi qərargahlarda nöqtə zərbələri ilə məhv edilməsi ilə bağlıdır. Musavat.com qeyd edir ki, bu cür dəqiq hücumlar İsrailin İran daxilində uzun müddətdir qurduğu strateji casus şəbəkələrinin, laboratoriyaların və yerli tərəfdar yuvalarının nəticəsi ola bilər. Məhz bu infrastruktur sayəsində, İsrail təkcə hava hücumları ilə deyil, paralel şəkildə İran hərbi elitasının hədəfə alınmasında da sistematik uğur qazanır.

Xatırladaq ki, İsrailin həyata keçirdiyi son hücumlarda 20-yə yaxın İran generalı məhv edilib. Onların çoxu iş yerlərində və şəxsi məkanlarında hədəfə alınıb. Bu isə bir daha təsdiqləyir ki, İsrailin zərbələri təsadüfi deyil, əvvəlcədən qurulmuş casus sisteminin verdiyi koordinatlara əsaslanır.
Musavat.com bildirir ki, Reydə casus laboratoriyasının aşkarlanması ilə bağlı məlumatlar yalnız İran daxilində yayılsa da və detallar inklüziv olsa da, ilk qaynaqlar müstəqil təsdiqlənməmişdir. Bu səbəbdən xəbərin medialarda daha qətiyyətlə təqdim olunmaması, eləcə də əsas işıqlandırılan mənbələrin rəsmi iran mediası və "Al Mayadeen" kimi dəstəkli kanallar olması diqqət çəkir.