İordaniya hava məkanını pozan raket və PUA-ları vurub- ÖZƏL

İordaniya Silahlı Qüvvələrinin Hava Hücumundan Müdafiə Qüvvələri bu gün səhər saatlarında ölkənin hava məkanını pozan bir neçə raket və pilotsuz uçuş aparatını (PUA) məhv edib. Olaylar.az xəbər verir ki, bu barədə İordaniyanın rəsmi xəbər agentliyi Petra məlumat yayıb.
Agentliyin İordaniya Silahlı Qüvvələrinin Baş Komandanlığındakı mənbəsinə istinadla verdiyi xəbərə görə, hava hücumundan müdafiə sistemləri dərhal işə salınıb, İordaniya hərbi aviasiyası isə hazırda ölkə səmasını qorumaq məqsədilə yüksək döyüş hazırlığı vəziyyətinə gətirilib.
Məlumatda vurulan raketlərin və PUA-ların hansı ölkəyə məxsus olduğu açıqlanmayıb. Hadisə ilə bağlı əlavə detalların veriləcəyi gözlənilir.