Xarkova kamikadze dron hücumu – 14 nəfər yaralandı

İyunun 12-də gecə saatlarında Rusiya ordusu Xarkov şəhərinə kamikadze dronlarla hücum edib.

Olaylar.az xəbər verir ki, şəhər meri İqor Terexovun sözlərinə görə, dronlar yaşayış binaları, məktəb və uşaq bağçalarına zərər verib. Nəticədə 14 nəfər xəsarət alıb, onlardan 4-ü uşaqlardır.

Bundan əlavə "Qeran-2" tipli PUA-nın boş əraziyə düşməsi də qeydə alınıb.

Həmçinin, Rusiya Müdafiə Nazirliyi gecə ərzində hava hücumundan müdafiə sistemləri ilə Ukraynaya məxsus 52 PUA-nı vurduqlarını açıqlayıb. Dronlardan 41-i Belqorod, 3-ü Moskva, 2-si isə Krım üzərində zərərsizləşdirilib.